ਮਨਦੀਪ ਕਰੇਗਾ ਪੰਜਾਬ ਰਣਜੀ ਟੀਮ ਦੀ ਕਪਤਾਨੀ

ਪੰਜਾਬ ਕ੍ਰਿਕਟ ਸੰਘ ਦੀ ਸੀਨੀਅਰ ਚੋਣਕਾਰ ਕਮੇਟੀ ਨੇ ਰਣਜੀ ਟਰਾਫੀ ਲਈ ਪੰਜਾਬ ਟੀਮ ਦੀ ਕਮਾਨ ਮਨਦੀਪ ਸਿੰਘ ਨੂੰ ਸੌਂਪੀ ਹੈ। ਚੇਅਰਮੈਨ ਅਰੁਣ ਸ਼ਰਮਾ ਦੀ ਅਗਵਾਈ ਵਿਚ ਚੋਣਕਾਰ ਕਮੇਟੀ ਦੀ ਮੰਗਲਵਾਰ ਨੂੰ ਮੀਟਿੰਗ ਹੋਈ, ਜਿਸ ਵਿਚ ਪਹਿਲੇ ਦੋ ਮੈਚਾਂ ਲਈ 16 ਖਿਡਾਰੀਆਂ ਦੇ ਨਾਂ ਦਾ ਐਲਾਨ ਕੀਤਾ ਗਿਆ। ਰਣਜੀ ਟਰਾਫੀ ਵਿਚ ਪੰਜਾਬ ਗਰੁੱਪ-ਏ ਵਿਚ ਹੈ ਅਤੇ ਉਸ ਨਾਲ ਇਸ ਗਰੁੱਪ ਵਿਚ ਰਾਜਸਥਾਨ, ਹੈਦਰਾਬਾਦ, ਵਿਦਰਭ, ਦਿੱਲੀ, ਕੇਰਲ, ਗੁਜਰਾਤ, ਆਂਧਰਾ ਪ੍ਰਦੇਸ਼ ਅਤੇ ਬੰਗਾਲ ਦੀਆਂ ਟੀਮਾਂ ਸ਼ਾਮਲ ਹਨ।